სიღნაღელი ბიზნესმენის, ლევან ბიძინაშვილის სასამართლო დარბაზიდან განთავისუფლებას სკანდალური ბრალდებებით ეხმაურება პოლიტიკის მეცნიერების დოქტორი, ანალიტიკოსი ლევან ნიკოლეიშვილი:
“კახელი ბიზნესმენის სასამართლო დარბაზიდან განთავისუფლება, რომელიც იარაღის უკანონო შენახვა-ტარებისთვის იყო დაკავებული, გარკვეულ ეჭვებს ბადებს:
ლევან ბიძინაშვილი კანონიერ ქურდ გიორგი ხატიაშვილის ,,ჯეკოს” მარჯვენა ხელი და მისი დავალებების შემსრულებელი გახლავთ – ატერორებდა გლეხებს, რამდენი ტონა ხორბალი უნდა შეეწირა ობშიაკისთვის და რომელი მიწა დაეთმოთ, წინააღმდეგ შემთხვევაში ხორბლის გადაწვითად კი ემუქრებოდა მათ. ახლაც სეზონი მოდის და შესაძლო ვიღაცას სასწრაფოდ დასჭირდა მისი “უნარ ჩვევები“.
თვითონ მოსამართლის ერთგვარი „მოტივაცია“ კი განსაკუთრებით საინტერესოა – ვისთან ერთად მოიაზრება, რომელი მოსამართლეების საერთო ჯგუფია, რომლებიც შემჩნეულია თუ არა მსგავსი არაერთი „გამამართლებელი“ და სკანდალური განაჩენებით? ვის და რა სახის დავალებებს ასრულებდნენ, ყოფილი ხელისუფლების დროს?
ალბათ, მაინც შესაბამისი უწყებები დეტალურად უნდა დაინტერესდნენ ამ საქმით, მით უმეტეს, ასეთი საქმე პირველი არ უნდა იყოს!” – წერს ფეისბუქის პირად გვერდზე ლევან ნიკოლეიშვილი.
