,,ერთიანი ნაციონალური მოძრაობის“ პოლიტიკური საბჭოს წევრმა, პარლამენტის დეპუტატმა ეკა ხერხეულიძემ, საქართველოს მე-3 პრეზიდენტი, კლინიკა ,,ვივამედში“ მოინახულა. შეხვედრის შემდეგ, ოპოზიციონერმა ლიდერმა აღნიშნა, რომ მიხეილ სააკაშვილს 2008 წლის აგვისტოს ომის სიმბოლო გადასცა:
,,ძალიან ძნელი საყურებელია, როდესაც იცი შენ ქვეყანას აქვს ბევრი გმირის, ასევე ლაჩრების ისტორია, სხვა დანარჩენთან ერთად. იცი, რომ დღეს ლაჩრების რეჟიმის წარმომადგენლები იმყოფებოდნენ ძმათა სასაფლაოზე, მუხათგვერდში, მათ პროტოკოლით განსაზღვრული პატივი მიაგეს ჩვენს გმირებს.
იმ გმირებს, რომელთაც სრულებით არ ამაყობენ, ხოლო ადამიანი, რომელმაც შეუნარჩუნა ქვეყანას სახელმწიფოებრიობა, დღეს იმყოფება აქ ტყვედ.
ეს არის ძალიან მძიმე ჩემთვის, რა თქმა უნდა. მე გადავეცი ჩვენი დღევანდელი დღის, მარადიული ხსოვნის სიმბოლო, რომელიც გემახსოვრებათ, 2012 წელს ვერ გაიხსენა ივანიშვილმა, რას ნიშნავდა!“, – განაცხადა ეკა ხერხეულიძემ.
ავტორი
ნინი ხიჯაკაძე
