“ხომ არ არის ჩართული ომის დაწყებასთან დაკავშირებით საქმიანობაში ბიძინა ივანიშვილი, როგორც არაფორმალური მმართველი?“ – პაატა მანჯგალაძე

241

საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე ჟურნალისტებთან კომენტარს აკეთებს მმართველი პარტიის განცხადებებზე დასავლელ პარტნიორებთან მიმართებაში. ოპოზიციონერი ლიდერი კონკრეტული შეკითხვით მიმართავს პარტია ,,ქართული ოცნების“ დამფუძნებელს, ბიძინა ივანიშვილს:

,,იმისთვის, რომ გაძლიერდეს რუსული გავლენა და შემცირდეს დასავლური გავლენა საქართველოში, დაიწყეს ღია იდეოლოგიური ბრძოლა! ,,ქართულმა ოცნებამ“ სახელმწიფო იდეოლოგიად აქცია ანტიდასავლური რიტორიკა.

სიცრუე პირველი – თუ ბიძინა ივანიშვილთან შეხვედრაზე ადგილი ჰქონდა რაიმე ტიპის კონსპირაციას, როგორც ისინი საუბრობენ, ომთან დაკავშირებით, იგივე კითხვებს რატომ არ უსვამენ ეს ადამიანები ბიძინა ივანიშვილს?!

ხომ არ არის ჩართული ომის დაწყებასთან დაკავშირებით საქმიანობაში ბიძინა ივანიშვილი, როგორც არაფორმალური მმართველი?

მაშინ მე მაქვს კითხვა და ვუსვამ ბიძინა ივანიშვილს – რაზე ესაუბრა ამერიკის შეერთებული შტატების ელჩი?“, – განაცხადა პაატა მანჯგალაძემ.

ავტორი
ნინი ხიჯაკაძე

კომენტარები პუბლიკაციაზე