,,ერთიანი ნაციონალური მოძრაობის“ პოლიტიკური საბჭოს წევრი, პარლამენტის დეპუტატი რომან გოცირიძე მწვავე და კრიტიკულ შეფასებას ახდენს საქართველოს მთავრობის სხდომაზე პრემიერ-მინისტრის ირაკლი ღარიბაშვილის განცხადებაზე ქვეყანაში ეკონომიკური ზრდის მაჩვენებელთან დაკავშირებით:
,,გაზრდილი ბიუჯეტი კვლავ მოხმარდება ,,ქართული ოცნების“ მიერ შექმნილ ბიუროკრატიას. ასეულობით მილიონი ფული იხარჯება იმ ადამიანებზე, რომლებიც მათ დასაქმებული ჰყავთ სხვა და სხვა საბიუჯეტო დაწესებულებებში.
მათ სახელწიფო მოხელეები ჰქვიათ. სინამდვილეში ისინი არიან ,,ქართული ოცნების“ საარჩევნო შტაბის ნაწილი, მათი აგიტატორები.
რაც შეეხება ტრაბახს ეკონომიკური ზრდის. ეს არის შუალედური მაჩვენებელი, დაბალთან შედარებით მაღალი ზრდაა. გამოწვეულია ერთჯერადი ფაქტორებით – რუსეთიდან დიდძალი გადმორიცხვებით. ვიცით რასთან არის დაკავშირებული!
ასევე გაზრდილი ფასები ჩვენი საექსპორტო საქონლისა, რომელიც შექმნილი ვითარებიდან არის გამომდინარე. სინამდვილეში ფასების ზრდამ ჩაყლაპა და შეჭამა ის შემოსავლები, რასაც ჩვენი მოქალაქეები ღებულობდნენ.
ეკონომიკა იზრდება, ხალხი ღატაკდება! – აი, ეს არის ,,ქართული ოცნების“ ეკონომიკა“, – განაცხადა რომან გოცირიძემ.
ავტორი
ნინი ხიჯაკაძე
