“მინდა გამოვეხმაურო ცესკოს თავმჯდომარეობის და კომისიის წევრების არჩევის კონკურსს” – ანა კობახიძე

118

ცესკოს თავმჯდომარეობის და კომისიის წევრების არჩევის კონკურსს და ასევე კომისიის მიერ გავრცელებულ განცხადებას ეხმიანება ცენტრალური საარჩევნო კომისიის წევრი პარტია “სტრატეგია აღმაშენებლიდან” ანა კობახიძე:

მინდა გამოვეხმაურო საქართველოს ცენტრალური საარჩევნო კომისიის თავმჯდომარეობის და კომისიის წევრების არჩევის კონკურსს.

მას შემდეგ რაც საჯარო გახდა კანდიდატების სია, ცხადია რომ საკონკურსო კომისიას ფორმალურად უწევს კანდიდატებთან გასაუბრება და შემდეგ პრეზიდენტს ფორმალურად მოუწევს იგივე კანდიდატების წარდგენა, რომელიც წინა ორ შემთხვევაში იყო წარდგენილი.

დაბალი კონკურენციის პირობებში, ფორმალური კონკურსის ჩატარება და პროცესის მიმართ უნდობლობა, საზოგადოებაში კიდევ უფრო ამცირებს ნდობას როგორც ცენტრალური საარჩევნო კომისიის მიმართ, ასევე ცენტრალური საარჩევნო კომისიის თავმჯდომარის და კანდიდატების შერჩევის და არჩევის პროცესის მიმართ.

ასევე, მინდა გამოვეხმაურო 2022 წლის 29 ივლისის საქართველოს ცენტრალური საარჩევნო კომისიის განცხადებას და ავღნიშნო, რომ აღნიშნული განცხადება არ წარმოადგენს ცენტრალური საარჩევნო კომისიის ყველა წევრის აზრს. მიმაჩნია, რომ ეს განცხადება ცდება ნეიტრალურობის და ინსტიტუციური დამოუკდებლობის პრინციპის დაცვას. ერთის მხრივ ის, რომ პრეზიდენტის საკონკურსო კომისიის მუშაობის და მეორეს მხრივ პოლიტიკური პარტიების განცხადებები, რომელიც მიმართული საქართველო პრეზიდენტის მიმართ, მათი შეფასება არ წარმოადგენს ცენტრალური საარჩევნო კომისიის უფლებამოსილების ფარგლებს.

მნიშვნელოვანია, მსგავსი განცხადებები ინფორმაციულ დონეზე მაინც იყოს შეთანხმებული ცენტრალური საარჩევნო კომისიის წევრებთან. ვინაიდან, აღნიშნული გაცხადება მნიშვნელოვან ზიანს აყენებს ცენტრალური საარჩევნო კომისიის პრესტიჟს, ამცირებს ნდობას საზოგადოებაში და კიდევ ერთხელ აძლევს საბაბს დაინტერესებულ პირებს რომ ისაუბრონ ცენტრალური საარჩევნო კომისიის მიკერძოებულობაზე”, – აცხადებს ანა კობახიძე.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს

კომენტარები პუბლიკაციაზე