საქართველოს მე-3 პრეზიდენტის ადვოკატი შალვა ხაჭაპურიძე აცხადებს, რომ პოლიტიკური სიტუაციის სტაბილიზაციისთვის მიხეილ სააკაშვილმა გადადგა უკვე ნაბიჯი, რადგან აღარ საუბრობს ქართულ პოლიტიკაზე. ადვოკატი ხელისუფლებას მოუწოდებს სიტუაციის გაანალიზებისა და სასამართლოს გადაწყვეტილებაში ჩაურევლობისაკენ:
,,რამდენჯერმე იყო მცდელობა მასთან საუბრის, მაგრამ ის არ გამოხატავს არანაირ სურვილს ქართულ პოლიტიკაზე ისაუბროს, გამოთქვას რაიმე მოსაზრებები და ა.შ.
მისი ჯანმრთელობის მდგომარეობაც იმდენად მძიმეა, მომაკვდავია ადამიანი – მის მდგომარეობაში დიდად პოლიტიკაზე ლაპარაკი, მე მგონი, მთლად ნორმალური მოვლენაც არ იქნებოდა.
ეს უნდა გახდეს სტიმული საქართველოს ხელისუფლებისთვის ქვეყანაში პოლიტიკური სიტუაციის სტაბილიზაციისთვის, დაწყნარებისთვის, ისედაც დაძაბული გარემო გახლავთ.
ამიტომ სააკაშვილის მხრიდან ამ ეტაპზე პირველი ნაბიჯი გადადგმულია. ახლა ჯერი ხელისუფლებაზეა.
იმედია, საქართველოს ხელისუფლება განახორციელებს სრულ აქტს და ხელს არ შეუშლის სასამართლოს მიიღოს სამართლიანი გადაწყვეტილება.
ხელისუფლებამ მოისმინოს ჩემი ნათქვამი სიტყვები, აწონ-დაწონოს. ამ სიტყვებში – ,,კარგ მთქმელს, კარგი გამგონე უნდაო“ – ბევრი რამ იკითხება!“, – განაცხადა შალვა ხაჭაპურიძემ.
ავტორი
ნინი ხიჯაკაძე
