პარლამენტის რეგიონალური პოლიტიკისა და თვითმმართველობის კომიტეტის თავმჯდომარის პირველი მოადგილე ირაკლი ზარქუა შეფასებებს აკეთებს ,,ქართული ოცნების“ დამფუძნებლის ბიძინა ივანიშვილის წერილში დაფიქსირებულ პოზიციაზე ქვეყნის ომში ჩართვასთან, სანქციებთან დაკავშირებით თუ ოპოზიციასთან მიმართებაში:
,,მან თქვა, როდესაც ამერიკის შეერთებული შტატები სანქციებზე კონკრეტულ პიროვნებებზე საუბრობს და გადაწყვეტილებას იღებს, ეს არის ღია, გამჭვირვალე პროცესი – ყველასთვის ცნობილია და ასეთი არ იგეგმება.
ამიტომ კიდევ ერთხელ, ამ ხელმოცარულებს, რომლებიც არიან პოლიტიკაში, როგორც შიგნით მავნებლები და ასევე, საგარეო ფრონტზე, მათ შორის უკრაინაში, მე მგონი, ამით ცივი წყალი გადაასხა.
ომში ჩართვაზე – ეს არ არის მმართველი პარტიის რაღაცა მოგონილი თემა. კონკრეტული ადამიანები, მათ შორის საქართველოში მცხოვრებისგან, რადიკალური ოპოზიციისგან, არასამთავრობო ორგანიზაციებისგან, გვარები იქნა ჩამოთვლილი. მათ შორის იყო, მაგალითად, უკრაინის მაღალჩინოსნებისგან. გვარები გინდათ?! ხომ იციან?“, – განაცხადა ირაკლი ზარქუამ.
ავტორი
ნინი ხიჯაკაძე
