არასამთავრობო ორგანიზაცია ,,სამოქალაქო იდეის“ თავმჯდომარე თინა ხიდაშელი პოლიტიკურ შეფასებას აკეთებს ,,ქართული ოცნების“ დამფუძნებლის, ბიძინა ივანიშვილის წერილთან დაკავშირებით. იგი, აღნიშნული მიმართვის წინაპირობად, განიხილავს პარტია “ქართული ოცნებიდან” გასული პარლამენტის წევრების – სოზარ სუბარის, დიმიტრი ხუნდაძისა და მიხეილ ყაველაშვილის ღია წერილს:
,,მე ვფიქრობ, როდესაც “სამეულმა” მიმართა ბიძინა ივანიშვილს წინა წერილში, ის მზად იყო გამოსულიყო სცენაზე და ამიტომ გაკეთდა ეს მიმართვა. არაფერი მოულოდნელი არ იყო იმაში, რომ ის წერილი გამოქვეყნდა.
მოსალოდნელი იყო ისიც, რომ დაადასტურებდა ამერიკის ელჩთან შეხვედრას. ჩვენ ყველამ ძალიან კარგად ვიცით, რომ ეს შეხვედრები იმართება. ეს არის იმის დასტურიც, რომ ამ ქვეყანაში ყველას ძალიან კარგად აქვს გაცნობიერებული ვინ არის რეალური მმართველი.
კრიზისული ვითარებები როდესაც არის, ურჩევნიათ რეალურ მმართველებს ელაპარაკონ პირდაპირ, ვიდრე მათ ხელის ბიჭებს. ამიტომ აქაც გასაკვირი არაფერი არ არის. უფრო საინტერესო იქნება როგორ განვითარდება ეს ისტორია.
ბოლო წერილი სამეულის იყოს ძალიან მძიმე, თავისი შინაარსით. თითქოს ყველაფერი ერთი და იგივეა, სინამდვილეში პრინციპულად განსხვავული იყო ყველა სხვა გზავნილისგან. იმიტომ, რომ ისინი პირველად პირდაპირ თავს დაესხნენ ვაშინგტონს. უკვე კელი დეგნანი აღარ იყო მათი შეტევის ობიექტი ან რომელიმე სხვა ელჩი. ისინი პირდაპირ თავს დაესხნენ ვაშინგტონს. ასეთი რამ აქამდე არ მომხდარა.
როდესაც ამ ფონზე ხდება ბიძინა ივანიშვილის გამოჩენა, უნდა ვივარაუდოთ, სწორედ ამ ხაზის გაგრძელება მოხდება. ვნახოთ“, – განაცხადა თინა ხიდაშელმა.
ავტორი
ნინი ხიჯაკაძე
