ოპოზიციაში კონსულტაციები ევროსაბჭოს 12 რეკომენდაციის შესასრულებლად გრძელდება. პარტია ,,ლელო საქართველოსთვის“ თავმჯდომარე მამუკა ხაზარაძე აფასებს მიმდინარე პოლიტიკურ პროცესს:
,,ვინც უშლის დღეს ხელს საქართველოს განვითარებას, ეს არის ,,ქართული ოცნების“ ხელმძღვანელობა, რომლებიც ყოველდღიურად აღვივებენ შუღლს ადამიანებში, ანაწევრებენ საზოგადოებას და ამით ცდილობენ ძალაუფლების შენარჩუნებას.
კიდევ ერთხელ მინდა გავიმეორო, რომ ოპოზიციის მონაწილეობა, იმ რაღაც მოგონილ კომისიებში, არის თითიდან გამოწოვილი ამბავი. იმიტომ, რომ ,,ქართულ ოცნებას“ პარლამენტში საკმარისი რაოდენობა დეპუტატებისა ჰყავს, შესაბამისად, მათ შეუძლიათ ყველა ის 12 პუნქტი მიიღონ.
აგვისტოში დასასვენებლად კი არ წასულიყვნენ, არამედ უკვე ემუშავათ ზაფხულის პერიოდში და სექტემბერში უკვე, ეს ყველაფერი, ჩაებარებინათ საზოგადოებისა და ჩვენი ევროპარლამენტარი პარტნიორებისთვის.
შესაბამისად, ოპოზიციამ გადაწყვიტა, დამოუკიდებლად მოამზადოს ის კანონპროექტები, რომ საზოგადოებას არ დარჩეს შთაბეჭდილება, რომ ოპოზიცია ამ შემთხვევაში უბრალოდ ემიჯნება ამ პროცესს“, – განაცხადა მამუკა ხაზარაძემ.
ავტორი
ნინი ხიჯაკაძე
