“დასავლელ პარტნიორებზე თავდასხმა არის მოგონილი თემა” – გიორგი ვოლსკი

პარლამენტის თავმჯდომარის პირველი მოადგილე გიორგი ვოლსკი კომენტარს აკეთებს იმ კრიტიკაზე, რომელიც გაჟღერდა დასავლელი პარტნიორების მიმართ ხელისუფლების მხრიდან დაფიქსირებულ მწვავე პოზიციებთან დაკავშირებით და აცხადებს, რომ დემოკრატიულ სამყაროში მისაღებია, თუნდაც კრიტიკული განცხადებები:

,,დასავლელ პარტნიორებზე თავდასხმა – ეს არის მოგონილი თემა. სამწუხაროა, რომ ამ განცხადებების ექსპლუატაცია ხდება ამრიგად.

სპეკულაციას დავარქმევდი ამას. იმიტომ, რომ საერთოდ დასავლურ, დემოკრატიულ სამყაროში არ არის უცხო კონკრეტულ განცხადებებთან დაკავშირებით ასეთი პოლემიკა, თუნდაც მწვავე ფორმატში.

როგორც ვხედავ ევროკავშირში ინფორმაცია, რომელიც ევროსტქრუქტურიდან მიდიოდა, არ წარმოადგენს იმ რეალობის აღწერას, რომელიც საქართველოში ჩემსა და თქვენს თვალწინ ვითარდება“, – განაცხადა გიორგი ვოლსკიმ.

ავტორი
ნინი ხიჯაკაძე