“ვგმობთ ევროკავშირის ელჩის, კარლ ჰარცელის მისამართით ირაკლი კობახიძის დაუმსახურებელ თავდასხმას” – პარტია “სტრატეგია აღმაშენებელი”

პარტია “სტრატეგია აღმაშენებელი” მწვავე შეფასებებს აძლევს “ქართული ოცნების” თავმჯდომარის, ირაკლი კობახიძის მიერ ევროკავშირის უკვე ყოფილი ელჩის, კარლ ჰარცელის მიმართ დაფიქსირებულ პოზიციას.

“ჩვენ, “სტრატეგია აღმაშენებელი” ვგმობთ ევროკავშირის ელჩის, კარლ ჰარცელის მისამართით “ქართული ოცნების” თავმჯდომარის, ირაკლი კობახიძის დაუმსახურებელ თავდასხმას.

მადლობას ვუხდით ბატონ ჰარცელს 4 წლიანი გაწეული სამსახურისთვის და სრულ მხარდაჭერას ვუცხადებთ მას.

ის არის საქართველოსა და ქართველი ხალხის ნამდვილი მეგობარი და გვინდა კიდევ ერთხელ გადავუხადოთ მადლობა საქართველოს ევროინტეგრაციის პროცესში გაწეული სამსახურისთვის და
ვუსურვოთ წარმატებები.

საქართველო არასდროს ივიწყებს ნამდვილ მეგობრებს!” – ნათქვამია “სტრატეგია აღმაშენებლის” განცხადებაში.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს