ევროკავშირის ელჩს საქართველოში, კარლ ჰარცელს უფლებამოსილების ვადა გაუვიდა. პარტია ,,ქართული ოცნება – დემოკრატიული საქართველოს” თავმჯდომარე ირაკლი კობახიძე მწვავე და კრიტიკულ განცხადებას აკეთებს ევროკავშირის უკვე ყოფილ ელჩთან მიმართებაში:
,,ჩვენ ვერიდებოდით, მთელი ამ პერიოდის განმავლობაში, მასზე კომენტარის გაკეთებას, ვიდრე ის იყო ევროკავშირის მოქმედი ელჩი სხვადასხვა მიზეზის გამო. მათ შორის იმის გამო, რომ ჩვენ გვქონდა განაცხადი წარდგენილი ევროკავშირში. ეს იყო მიმდინარე პროცესი და ა.შ.
თუმცა დღეს, როდესაც მან უკვე დაასრულა თავისი მისია, თამამად შეიძლება ითქვას, რომ სამწუხაროდ, კარლ ჰალცერი მხოლოდ უარყოფით როლს ასრულებდა ევროკავშირისა და საქართველოს ურთიერთობებში.
ეს არის ძალიან სამწუხარო მოვლენა. ჩვენ დიდი იმედი გვაქვს, რომ მომავალი ელჩი განსხვავებულად იმოქმედებს”, – განაცხადა ირაკლი კობახიძემ.
ავტორი
ნინი ხიჯაკაძე
