,,ქართული ოცნების“ ყოფილმა წევრმა, დეპუტატმა მიხეილ ყაველაშვილმა საქართველოში ამერიკის ელჩს, კელი დეგნანს ღია წერილით მიმართა. აღნიშნულთან დაკავშირებით პოლიტიკური შეფასება გააკეთა პარლამენტის თავმჯდომარის პირველმა მოადგილემ გიორგი ვოლსკიმ:
,,აშკარაა და თქვენც ვერ უარყოფთ, რომ მოწოდება იმასთან დაკავშირებით, სამხედრო მოქმედებებში ჩავერთოთ, პირველი დღიდანვე იყო აშკარა და თვალსაჩინო. ამას სხვა ფორმატი სჭირდება და არა, ვთქვათ, ღია წერილის გამოქვეყნება.
მე მინდა დავარწმუნო ,,ნაცმოძრაობა“, თუ ვინმე სხვა, ვინც ამ განცხადებებს აკეთებს, – [ყაველაშვილი] საკმაოდ ინტელექტუალური ადამიანია, საკმაოდ უჭრის კალამიც და გონება იმისათვის, რათა ჩამოაყალიბოს თავისი აზრი.
კიდევ ერთხელ გეუბნებით, ეს ჩვენი გზა არ არის და ჩვენი გაყოფაც ამიტომ მოხდა“, – განაცხადა გია ვოლსკიმ.
ავტორი
ნინი ხიჯაკაძე
