“ოპოზიცია არის თვისებრივად დაინტერესებული, რომ საქართველომ არ მიიღოს კანდიდატის სტატუსი დეკემბერში” – ირაკლი კობახიძე

პარტია ,,ქართული ოცნების“ თავმჯდომარე ირაკლი კობახიძე კომენტარს აკეთებს ევროკავშირის მიერ გაცემული რეკომენდაციების შესრულების შესახებ და აცხადებს, რომ კანონებს მიიღებენ დეკემბრის ბოლომდე და ზაფხულში პარლამენტის რიგგარეშე სხდომის მოწვევის საჭიროებას ვერ ხედავს:

,,რიგგარეშე სხდომა რა შუაშია საერთოდ გაუგებარია, როდესაც დეკემბრის ბოლომდე უნდა განხორციელდეს რაღაცები. ეს ორი თვე გამოყენებული იქნება სამუშაო პროცესისთვის. კანონების მიღება მოხდება დეკემბრის ბოლომდე.

რაც შეეხება თვითონ ოპოზიციის დამოკიდებულებას, რა თქმა უნდა, ისინი არიან თვისებრივად დაინტერესებული, რომ საქართველომ არ მიიღოს კანდიდატის სტატუსი დეკემბერში.

აქედან გამომდინარე, ისინი ცდილობენ დარჩნენ რადიკალურ დღის წესრიგში, არ გამოვიდნენ ამ დღის წესრიგიდან.

თუმცა, ჩვენ ყველაფერს გავაკეთებთ იმისთვის, რომ ამის საშუალება რადიკალურ ოპოზიციას არ მიეცეს“, – განაცხადა ირაკლი კობახიძემ.

ავტორი
ნინი ხიჯაკაძე