“ხალხი გაცილებით წინაა, ვიდრე მთელი სამოქალაქო, ნჯო თუ პოლიტიკური სპექტრი” – ხათუნა ლაგაზიძე

პოლიტოლოგი ხათუნა ლაგაზიძე ბოლო დღეებში საქართველოში გააქტიურებულ საპროტესტო მოძრაობებებს ეხმიანება:

“მთავარი, რაც ამ დღეებმა გამოაჩინა, ხალხი გაცილებით წინაა, ვიდრე მთელი სამოქალაქო, ნჯო თუ პოლიტიკური სპექტრი. ჰოდა, ჩვენ ან ავყვებით და შევესატყვისებით ამ ხალხის მოთხოვნებს, აზროვნებას და მოლოდინებს ან პროცესების ლოგიკა თავისთავად გაწევს ნებისმიერს გვერდზე, ყველას ერთად და თითოეულს ცალ-ცალკე.

უდიდესი მადლობა ხალხს, დაბადებიდან ევროპელ ქართველებს, ვინც იცით რისთვის ღირს სიცოცხლეც და ბრძოლაც. მთავარია თქვენ თქვენი ძალა დაინახეთ. შეუძლებელია ამხელა ენერგია და სურვილი უკვალოდ გაიფანტოს. ახლა საჭიროა სწორი ხედვა, სტრატეგიული გეგმა და ტაქტიკური მონახაზი და შედეგიც აუცილებლად მოვა“, – წერს ფეისბუქის პირად გვერდზე ხათუნა ლაგაზიძე.