“მყარად იყავით, თქვენი რწმენა ვერ უნდა გატეხოს ვერცერთ შემთხვევაში ოლიგარქიულმა რეჟიმმა” – გიორგი ვაშაძე საჯარო მოხელეებს

,,სტრატეგია აღმაშენებლის“ თავმჯდომარე გიორგი ვაშაძე მიმართავს საჯარო მოხელეებს და მოუწოდებს, რომ მივიდნენ აქციაზე, რადგან ისინი მნიშველოვან ძალას წარმოადგენენ საქართველოს ევროინტეგრაციის პროცესში:

,,დღეს 3 ივლისია – ძალიან მნიშნელოვანი დღე და ყველანი უნდა შევიკრიბოთ, რა თქმა უნდა, რუსთაველზე.

დღეს მთელი საქართველოს მასშტაბით მიმდინარეობს ტოტალური თავდასხმა და შეტევა საჯარო მოხელეებზე. მათი დაშინება, ასე ვთქვათ – ტვინებზე ძალადობა.

მეგობრებო, მივმართავ საჯარო მოხელეებს – თქვენ ხართ ის ადამიანები, ვისი ძალისაც ყველაზე მეტად ეშინია ,,ქართულ ოცნებას“ და უნდათ, რომ თქვენ გაგტეხონ, მაგრამ მე გაძლევთ ერთ პირდაპირ გარანტიას. გარანტიას იმის, რომ ჩვენ თქვენს გვერდით დავდგებით.

თქვენი რწმენის გატეხვა უნდათ და არცერთ შემთხვევაში არ დაემორჩილოთ მათ. მოდით აქციაზე, ღირსეულად ისე, როგორც თქვენს პატრიოტულ სულს შეეფერება და იცოდეთ – ევროპისკენ სვლა ნიშნავს სწორედ თქვენთან ერთად უზარმაზარი, ფართომასშტაბიანი რეფორმების განხორციელებას, რომელიც სიკეთეს მოუტანს ამ ქვეყანას, რომლის თანამონაწილე იქნებით თქვენ.

მე ძალიან კარგად ვიცი თქვენ რა შეგიძლიათ და რამხელა საქმის კეთება შეგიძლიათ ქვეყანაში.

და ბოლოს, ყველას, ვისაც რაიმე ტიპის შეზღუდვა ან შევიწროება გექნებათ, დამიკავშირდით პირადად მე. ჩემი ტელეფონი ბევრს გაქვთ, Facebook-ზე მომწერეთ – თქვენს გვერდით დავდგები, სადაც არ უნდა იყოს, საქართველოს რომელ წერტილშიც არ უნდა იყოს მყისიერად გავჩნდებით იქ.

ვერავინ ვერასდროს თქვენ უფლებებს ვერ შებღალავს. ასე, რომ მაგრად, მყარად იყავით. თქვენ ყველაზე მეტად გვეიმედებით. თქვენ ხართ ის ქვაკუთხედი, ევროკავშირში როცა ვიყავი, ევროპელებმა მითხრეს – რა ექსპერტი უნდა გამოგიგზავნოთ, ადამიანური რესურსების პოტენციალი, რომელიც საქართველოში არის მსგავსი არ არის ევროპის ქვეყნებშიც კი. აი, თქვენზე იყო სწორედ საუბარი.

მყარად იყავით, თქვენი რწმენა ვერ უნდა გატეხოს ვერც ერთ შემთხვევაში ოლიგარქიულმა რეჟიმმა. ჩვენ ერთად აუცილებლად გავიმარჯვებთ!“, – განაცხადა გიორგი ვაშაძემ.

ავტორი
ნინი ხიჯაკაძე