პარტია ,,დროას” თავმჯდომარე ელენე ხოშტარია საგანგებო ბრიფინგზე შეფასებებს აკეთებს საქართველოს პროკურატურასთან მიმართებაში, აცხადებს, რომ ეს უწყება ბიძინა ივანიშვილის საყრდენია:
,,დღეს მინდა, კიდევ ერთი საყრდენის, პროკურატურის შესახებ მოგაწოდოთ ინფორმაცია.
ამ სისტემის, მართლმსაჯულების სისტემის და პროკურატურის კონტროლის თავში დგას ოთარ ფარცხალაძე, რომელზეც ვისაუბრე მე უკვე პატარა ოლიგარქებთან ერთად.
იმიტომ, რომ ეს არის ერთის მხრივ ჩართული მაღალი დონის კორუფციულ საქმეებში, არის მიახლოებული ბიძინა ივანიშვილის კართან და მეორეს მხრივ, მისი მთავარი “დამსახურება” ბიძინა ივანიშვილთან – ეს არის პროკურატურის კონტროლი.
პროკურატურაში არიან გამოყოფილი ასეთი ადამიანები, რომლებიც უშუალოდ კურირებენ ამ ბინძურ პოლიტიკურ საქმეებს, ასრულებენ ამ პოლიტიკურ დავალებას.
ამ სისტემების მმართველობაში არის ოლიგარქია, რომლის დანგრევაც დღეს არის ჩვენი ამოცანა, რომ ღირსეული ადამიანები ასრულებდნენ, ემსახურებოდნენ ქვეყანას და არა ბიძინა ივანიშვილს”, – განაცხადა ელენე ხოშტარიამ.
ავტორი
ნინი ხიჯაკაძე
