საქართველოს პარლამენტის თავმჯდომარის მოადგილე დავით სერგეენკო კონკრეტულ განმარტებას აკეთებს იმ წინაპირობებთან დაკავშირებით, რომლებიც ევროკომისიამ გასცა საქართველოს, უკრაინისა და მოლდოვისთვის კანდიდატი ქვეყნის სტატუსის მინიჭებასთან დაკავშირებით და ასევე პოზიციას აფიქსირებს ოლიგარქიის განმარტებასთან მიმართებაში:
,,რახან ტრიოზე იყო საუბარი, 3 ქვეყანაზე, უნდა ვნახოთ მოთხოვნების ჩამონათვალი. პირდაპირი ასეთი სიტყვათ წყობით დელოგარქიზაცია წაყენებული იყო საქართველოსადმი, მოლდოვისადმი და უკრაინასთან მიმართებაში არის ანტიოლიგარქიული კანონმდებლობის მიღება წლის ბოლომდე.
ანუ სამივე ქვეყანასთან ეს არის წაყენებული.
მთავარი საკითხი აქ არის, რომ ესა თუ ის გადაწყვეტილება, მათ შორის, ამ ოლიგარქის სტატუსის მინიჭებაზე იყოს არა სუბიექტური, არა პოლიტიკურ ნიშნებზე დაფუძნებული, არამედ რაღაც ობიექტური კანონთან მიმართებაში.
ახლა ჩვენ ვმსჯელობთ ვიკიპედიაში ჩაწერილი დეფინიციით. ეს ისევე არასწორია, როგორც ვიკიპედიით ვუმკურნალოთ პაციენტს“, – განაცხადა დავით სერგეენკომ.
ავტორი
ნინი ხიჯაკაძე
