“მიხეილ სააკაშვილი მიიჩნევს, რომ ქართველი ხალხი არ იმსახურებს იმ ფასის გადახდას, რასაც იხდის საქართველოს მთავრობის შეცდომებისთვის” – შოთა თუთბერიძე

1504

საქართველოს მე-3 პრეზიდენტი ადვოკატმა შოტა თუთბერიძემ კლინიკაში მოინახულა. შეხვედრის დასრულების შემდეგ ადვოკატმა კომენტარი გააკეთა და აცხადებს, რომ მიხეილ სააკაშვილი მხარს დაუჭერს მე-4 პრეზიდენტის, გიორგი მარგველაშვილის ინიციატივას ევროკავშირისთვის ერთობლივ მიმართვასთან დაკავშირებით:

,,გუშინდელ აქციაზე ვისაუბრეთ ძალიან მოკლედ. ბუნებრივია, მიხეილ სააკაშვილი მიიჩნევს, რომ ქართველი ხალხი არ იმსახურებს იმ ფასის გადახდას, რასაც იხდის საქართველოს მთავრობის შეცდომებისთვის.

თვლის, რომ ჩვენი ერთად-ერთი გზა, რომელიც დაფიქსირებულია კონსტიტუციაში, არის მყარად არჩეული ევროპული ინტეგრაციის გზა. თვლის, რომ მთავრობა ამ გზაზე დაბრკოლების შექმნას ცდილობს მიზანდასახულად და არა შემთხვევით ან არა შეცდომების გამო.

მიაჩნია, რომ ქართველ ხალხში არის შესაბამისი რესურსი და შესაძლებლობა, რომ ხელში აიღოს საზოგადოებამ საკუთარი ბედი და თვლის, რომ ალტერნატივა ამ გზას არ გააჩნია.

ბატონო მარგველაშვილის ინიციატივასაც მიესალმება მიხეილ სააკაშვილი – ეთანხმება ამ წერილსაც. მიხეილ სააკაშვილი მზად არის შეუერთდეს და იყოს ამ წერილის ადრესატების ნაწილი“, – განაცხადა შოთა თუთბერიძემ.

ავტორი
ნინი ხიჯაკაძე

კომენტარები პუბლიკაციაზე