,,ერთიანი ნაციონალური მოძრაობის” პოლიტიკური საბჭოს წევრმა ეკა ხერხეულიძემ ,,მთავარი არხის” გენერალური დირექტორი ნიკა გვარამია მოინახულა. შეხვედრის დასრულების შემდეგ განაცხადა, რომ ნიკა გვარამია მოსახლეობას მოუწოდებს აქტიურად ჩაერთონ პროცესებში:
,,ნიკა გვარამია მოუწოდებს ყველას ამ ისტორიულ დღეს, მიიღონ მონაწილეობა როგორც წესი.
როგორც მას ახასიათებს არის საოცრად მხნედ, საბრძოლო შემართებით.
მოუწოდებს ყველას ვინც მას და ქვეყანას გულშემატკივრობს, ყველამ მიიღოს დღევანდელ დღეს მონაწილეობა.
ვინაიდან ყოველი ადამიანის ჩართულობა, ყოველი ადამიანის მოედანზე მისვლა იქ, სადაც ჩვენ დღეს უნდა ვანახოთ ჩვენ დასავლელ პარტნიორებს ჩვენი პოზიცია, ჩვენი მისწრაფება, რა თქმა უნდა, არის მნიშვნელოვანი და ნიკა მოუწოდებს ყველას პერსონალურად, ვინც მას პერსონალურად გულშემატკივრობს გარდა იმისა, რომ ქვეყნის გულშემატკივრები არიან, ვინც გამოხატავს მისდამი მხარდაჭერას მიიღონ ყველამ უკლებლივ მონაწილეობა ამ მნიშვნელოვან დღეს.
ვინაიდან მას მიაჩნია, რომ დღეს დაიწყება ის პროცესები, რომლებიც შეუქცევადი გახდება ქვეყნის გათავისუფლებისთვის.
ამისთვის ძალიან მნიშვნელოვანია ყველამ მიიღოთ მონაწილეობა”, – განაცხადა ეკა ხერხეულიძემ.
ავტორი
ნინი ხიჯაკაძე
