“ყოველდღიური თვითგადარჩენის ინსტიქტია “ქართული ოცნების” მამოძრავებელი ძალა” – გია ხუხაშვილი

მმართველი პარტიის ლიდერების დღევანდელ შეფასებებს ეხმაურება ანალიტიკოსი გია ხუხაშვილი და კონკრეტულ განმარტებებს აკეთებს:

“ხელისუფლების დღევანდელ მესიჯ-ბოქსში ძალიან კარგად ჩანს “ქართული ოცნების” ნამდვილი ბუნება – მთავარია დღეს გადააგორონ პრობლემა და ხვალ რაღაც ახალს მოიფიქრებენ.

ანუ, ყოველდღიური თვითგადარჩენის ინსტიქტია მათი მამოძრავებელი ძალა, რაც მოაზროვნე ადამიანისთვის არ არის დამახასიათებელი.

როდესაც ისინი დღევანდელ აქციას ნაცების ორგანიზებულს არქმევენ, ამით ცდილობენ, რომ ერთ და ორ კაცში ნაც-კომპლექსი გააღვიძონ, მაგრამ იმაზე აღარ ფიქრობენ, რომ ძალიან ბევრი ხალხი რომ მოვა და იმათ ნაცებად ასაღებენ, ამით ისევ ნაცებს აძლევენ მაღალ ლეგიტიმაციას. შესაძლოა, იმაზე მაღალს, ვიდრე თვითონ აქვთ…” – წერს ფეისბუქის პირად გვერდზე გია ხუხაშვილი.