“სტრატეგია აღმაშენებელმა” 100 საათიანი უწყვეტი რეგიონალური ტურნე “ერთად ევროპისკენ”, ბათუმში ვიზიტით დაასრულა. პარტია ტურნეში, რომლის მიზანიც ხალხისთვის იმის გაცნობაა, თუ რამდენად მნიშვნელოვანია ევროკავშირის კანდიდატის სტატუსის მინიჭება ჩვენი ქვეყნისთვის, 10-ზე მეტ მუნიციპალიტეტში იმყოფებოდა. 100 საათიანი ტურნეს ერთად ევროპისკენ დასკვნითი, შემაჯამებელი ღონისძიება კვირას, 19 ივნისს, თბილისში, რიყის პარკში გაიმართება. გიორგი ვაშაძის თქმით მოსახლეობის 99%-ს ევროკავშირის წევრობის მსურველია.
“ “სტრატეგია აღმაშენებელი” ბათუმში ვასრულებთ 100 საათიან რეგიონალურ ტურნეს “ერთად ევროპისკენ”, რომლის მიზანი არის ევროკავშირის, ევროპის პროპაგანდა და მოსახლეობისთვის კიდევ ერთხელ განმარტება, თუ რა სარგებელი შეუძლია მოუტანოს საქართველოს ევროკავშირის წევრობამ?! რა უნდა გააკეთოს ჩვენმა ქვეყანამ ევროკავშირის წევრობისთვის?! რა მოლოდინები უნდა გვქონდეს?! რა განსხვავებაა ევროკავშირის წევრ და არა წევრ ქვეყნებს შორის?!
შევხვდით 10 ათასობით მოქალაქეს, მათ გადავეცით რამდენიმე ათეული ათასი საბეჭდი მასალა: ბუკლეტები, რუკები, თვალსაჩინო მასალები.
100 საათიანი ტურნეს ბოლოს მთავარი დასკვნა არის ის, რომ საქართველოს მოსახლეობის 99%-ს სურს “ევროკავშირი”-ს წევრობა, მათ იციან რისთვის გვჭირდება ევროკავშირი, ისიც იციან თუ რა უნდა გავაკეთოთ იმისთვის, რომ გავხდეთ ევროპული ოჯახის წევრები, საქართველომ და ქართველმა ხალხმა ეს იცის, არ იცის მხოლოდ “ქართულმა ოცნებამ” “, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს