“სტრატეგია აღმაშენებლის” თავმჯდომარე, საქართველოსთვის ევროკავშირის კანდიდატი ქვეყნის სტატუსის მინიჭებასთან დაკავშირებით, საფრანგეთის პრეზიდენტის პესიმისტურ განწყობას ეხმიანება და მწვავე შეფასებებს აკეთებს “ქართულ ოცნებასთან” მიმართებაში:
“ძალიან მძიმე ვითარებაა! “ქართული ოცნების” მავნებლური ქმედებებიდან გამომდინარე არის დიდი საფრთხე, რომ საქართველო აცდეს ევროკავშირში ინტეგრაციის გზას.
საფრანგეთის პრეზიდენტის ემანუელ მაკრონის გუშინდელი განცხადება, რომ შეიძლება საქართველო დაშორდეს უკრაინას და მოლდოვას, ეს საფრთხე ძალიან რეალური გახდა, რაც “ქართული ოცნების” მავნებლური ქმედებების შედეგია.
“გუშინ კობახიძე კიდევ ერთხელ გამოვიდა და “თორმეტგზის იტყუა”. იმის ნაცვლად რომ კონკრეტული ნაბიჯები გადაედგა, რათა დაენახათ ჩვენს ევროპელ კოლეგებს, საქართველოს მთავრობა გონს მოეგო.
ეს არის სწორედ შეთქმულება საქართველოს ეროვნული ინტერესების წინააღმდეგ. და თუ ისე მოხდა, რომ ჩვენ ავცდით, ჩამოვშორდით ევროპულ გზას, უკრაინას და მოლდოვას ეს იქნება, მხოლოდ და მხოლოდ “ქართული ოცნების”, “ქართული ოცნების” და კიდევ ერთხელ “ქართული ოცნების” დანაშაული”, – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
