ანალიტიკოსი, პოლიტიკის ექსპერტი ხათუნა ლაგაზიძე, სოციალურ ქსელში, სახუმარო-ირონიულ კონტექსტში აფიქსირებს თავის პოზიციას ხელისუფლების წარმომადგენლებისა თუ სკეპტიციზმის გავლენის ქვეშ მყოფებთან მიმართებაში:
“ომი არ გვინდაო და სამოქალაქო ომის დაწყებით გვემუქრებიან თბილისიდან იქეთ – ევროპას და აქეთ – შინაურ დასავლეთელებს!
სიტუაცია ტრაგიკომიკურად ასე გამოიყურება: არჩევანი გვაქვს ლობიოსა და ევროპას შორის. ანუ ვისაც არ უნდა ლობიო და უნდა ევროპა, ძალით უნდა შეგვაყვარონ ლობიო და უარი გვათქმევინონ ევროპაზე და ამ მიზნით სამოქალაქო ომს გვიანონსებენ თბილისის სამოქალაქო ომის და სამეგრელოს დამრბევების სულიერი შთამომავლები! ისინი ქე მაინც იძახდნენ – დემოკრატია უკეთესია ლობიოზეო და ესენი კიდე ამბობენ, ლობიო ჯობია ევროპასო!
გადაირევი კაცი დეგრადაციის ხარისხით!
ისე, ყანდური გახსოვთ საკუთარი სიხარბით სად ჩაიხრჩო?! თქვენაც ფრთხილად იყავით, ემანდ ლობიო არ გადაგცდეთ, მარცხი ელანძეაო, გურულები იტყვიან – სასუნთქი ყორყის დაცობა იცის!” – წერს ფეისბუქის პირად გვერდზე ხათუნა ლაგაზიძე.
