“ჩვენ ეს შევძელით! რეზოლუცია მიღებულია…” – გიორგი ვაშაძე ALDE-ს გადაწყვეტილებაზე

საქართველოს, უკრაინისა და მოლდოვისათვის ევროკავშირის წევრობის კანდიდატის სტატუსის მინიჭების რეზოლუციას, რომლის ავტორები – “სტრატეგია აღმაშენებელი”, “თავისუფალი დემოკრატები”, “რესპუბლიკური პარტია”, “გირჩი მეტი თავისუფლება” და “ლელო საქართველოსთვის” არიან, ლიბერალთა და დემოკრატთა ალიანსმა ევროპისთვის (ALDE), დუბლინში პარტიის შეკრებაზე მხარი დაუჭირა:

“ჩვენ ეს შევძელით! ✊🏻🇪🇺 🇬🇪
რეზოლუცია მიღებულია, ალდე მხარს უჭერს საქართველოსთვის ევროკავშირის კანდიდატი ქვეყნის სტატუსის მინიჭებას”, – წერს გიორგი ვაშაძე ფეისბუქის საკუთარ გვერდზე.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს