ფილოლოგი და პოლიტიკოსი, ,,რესპუბლიკური პარტიის“ დამფუძნებელი ლევან ბერძენიშვილი ერეკლე მეფის მოღალატედ გამოცხადებას ითხოვს, რადგან, როგორც განმარტავს, ერეკლე II-მ საქართველო რუსეთს ჩააბარა. აღნიშნულ საკითხზე მსახიობი და ტელეწამყვანი პაატა გულიაშვილი მწვავედ მიმართავს ლევან ბერძენიშვილს
თელავის თეატრის სამხატვრო ხელმძღვანელი, ცნობილი ტელესახე პაატა გულიაშვილი მწვავე შეფასებებს აკეთებს და უპირისპირდება ფილოლოგს, პოლიტიკოს ლევან ბერძენიშვილს, მის მიერ მეფე ერეკლე II-სთან დაკავშირებით დაფიქსირებული პოზიციის გამო:
,,ენა უნდა დაიმოკლოს! გაუჭირდება, მაგრამ უნდა დაიმოკლოს, სანამ მეფეს ახსენებს.
დიდება მეფეს! ჭკვიანად იყვნენ სანამ კარგად ვლაპარაკობთ. კახელები და თელაველები, განსაკუთრებით!
მიყვარხართ! ხსოვნა იყოს იმ დიდი მეფის და დავდგეთ ყოველთვის გვერდით, რომ ასეთმა ვიგინდარებმა არ გაბედონ და მეორედ ესეთი სიტყვები არ წარმოთქვან.
დიდება მეფეს!“, – განაცხადა პაატა გულიაშვილმა.
ინფორმაციისთვის: ,,ამდენ ტყუილში დავიღალეთ, რა. სანამ ერეკლე მეფე მოღალატედ არ არის გამოცხადებული, მანამდე ირაკლი ღარიბაშვილი გამოვა – ,,ომი გინდათ“?
ერეკლემაც ეგ თქვა: ,,აბა ომი გინდათო?“, კაცო.
მეომარი კაცი იყო, 80 ომი მოიგო, ჰოდა მე მეკითხებოდა ომი გინდაო? – მე არ მინდოდა ომი, არავის არ გვინდოდა ომი, მაგრამ რომ ჩააბარა მთელი საქართველო, როცა მარტო კახეთს აკონტროლებდა – ვინ მისცა მაგის უფლება?!“ – აღნიშნა ლევან ბერძენიშვილმა.
ავტორი
ნინი ხიჯაკაძე
