“ველი საკითხის დადებითად გადაწყვეტას…” – ნანა ტოხვაძე კერძო სკოლების მასწავლებლებისთვის ტრანსპორტზე საშეღავათო ტარიფის დაწესებაზე

სამ თვეზე მეტი ხნის წინ კერძო საგანმანათლებლო დაწესებულებაში დასაქმებული პირებისთვისაც მუნიციპალურ ტრანსპორტზე საშეღავათო ტარიფით სარგებლობის მოთხოვნისთვის პეტიცია მოამზადა პარტია “სტრატეგია აღმაშენებლის” პოლიტსაბჭოს წევრმა ნანა ტოხვაძემ და  აღნიშნულ საკითხში მასწავლებელთა გათანაბრებასთან დაკავშირებით მიმოწერას აწარმოებდა პასუხისმგებელ უწყებებთან:

“განახლებული ინფორმაცია, პეტიციასთან დაკავშირებით, რომლითაც მოვითხოვთ, რომ საშეთავათო ტარიფი საზოგადოებრივ ტრანსპორტზე გავრცელდეს თბილისის იმ 4350 მასწავლებელზეც, რომლებიც:

• ფლობენ შესაბამის სტატუსს;
• იხდიან საშემოსავლოს;
• ასწავლიან არანაკლებ სხვაზე.

რამდენიმე თვეა მაქვს მიმოწერა პასუხისმგებელ უწყებებთან. განათლების სამინისტრო, თბილისის მერია და საკრებულო იცნობს საკითხს! მე კი, გპირდებით, თითოეულს ჩამოვივლი და არ დავიღლები ვიდრე პატარა გამარჯვებას არ მივაღწევთ!

დღეს თბილისის საკრებულოს თავმჯდომარისგან, გიორგი ტყემალაძისგან მივიღე საკითხის შესწავლისა და მოკვლევის პირობა. ველი საკითხის დადებითად გადაწყვეტას…“, – წერს ფეისბუქის პირად გვერდზე ნანა ტოხვაძე.