საქართველოს პარლამენტის თავმჯდომარე შალვა პაპუაშვილი ჟურნალისტებთან კომენატრს აკეთებს საქართველოს ევროინტეგრაციის პროცესთან დაკავშირებით და აცხადებს, რომ სწორედ ,,ქართული ოცნების“ საარჩევნო პროგრამა ისახავდა მიზნად ევროკავშირის წევრობაზე განაცხადის წარდგენას:
,,საზოგადოება და ,,ქართული ოცნება“ დგას სწორედ ევროატლანტიკური ინტეგრაციის მხარეს. რაც შეეხება ზოგიერთ ოპოზიციურ პარტიას – სწორედ ფაცი-ფუცით არიან დაკავებულები – ერთი, მეორე – ჩვენ ვხედავთ პირდაპირ, მიზანმიმართულ საქმიანობას იმისთვის, რომ ჩაშალონ კანდიდატის სტატუსის მონიჭება.
,,ქართული ოცნება’’ არის ის პარტია, რომელმაც ხელი მოაწერა ასოცირების შეთანხმებას და არა მხოლოდ ხელი მოაწერა. ხანდახან უნდათ იმის თქმა, რომ თითქოს ეს იყო ,,ნაციონალური მოძრაობის“ მხრიდან შეთანხმებული. ,,ნაციონალური მოძრაობის“ დამოკიდებულება, მათ შორის რეგულაციებთან მიმართებით იყო შემაფერხელი ასოცირების შეთანხმების დადებისა.
როდესაც ჩვენ საარჩევნო პროგრამის მთავარ მიზნად გამოვაცხადეთ განცხადის გაკეთება ევროკავშირის წევრობაზე, სხვა პარტიები ამას ცინიკურად ეკიდებოდნენ. ამ პარტიებს უნდათ თავი წარმოადგინონ თითქოს არიან მოწინავეები ამ კუთხით“, – განაცხადა შალვა პაპუაშვილმა.
ავტორი
ნინი ხიჯაკაძე
