“ისტორიული და არქეოლოგიური წყაროების თანახმად, საქართველოში მეფუტკრეობა დაახლოებით, ძვ.წ. IV საუკუნიდანაა განვითარებული” – სოფლის მეურნეობის სამინისტრო

დღეს ფუტკრის მსოფლიო დღეს აღვნიშნავთ!

ისტორიული და არქეოლოგიური წყაროების თანახმად, საქართველოში მეფუტკრეობა დაახლოებით, ძვ.წ. IV საუკუნიდანაა განვითარებული. ცნობილია, რომ ქართველებმა, თაფლის დადებითი თვისებების შესახებ, ჯერ კიდევ 7000 წლის წინ იცოდნენ.

ფუტკრის მსოფლიო დღესთან დაკავშირებით, გვინდა გაგაცნოთ ერთ-ერთ საუკეთესო ჯიშად აღიარებული ქართული (მთის რუხი) ფუტკარი.

გრძელი ხორთუმი, ზომიერი ნაყრიანობა, დაბალი ტემპერატურის გამძლეობა და თვინიერება – ეს ის თვისებებია, რომლებმაც ქართული ფუტკარს სახელი გაუთქვა. გრძელი ხორთუმის მეშვეობით, ის ყვავილიდან ნექტარს უფრო მარტივად იღებს, მეტ თაფლს აგროვებს და მეტ მცენარეს დამტვერავს.

ქართული მთის რუხი ფუტკარი მსოფლიო გამოფენებზე სამჯერ იყო წარდგენილი და სამივეჯერ ოქროს მედალი დაიმსახურა.

ქართული მთის ფუტკრის პოპულაციის დაცვისა და შენარჩუნების მიზნით, 2017 წელს აღვადგინეთ მუხურის მეფუტკრეობის ბაზა, რომელიც ასევე აქტიურად არის ჩართული მეფუტკრე-ფერმერების გადამზადება-სწავლებაში.

ინფორმაციას გარემოს დაცვისა და სოფლის მეურნეობის სამინისტრო ავრცელებს