“NATO”-ს სამეკავშირეო ოფისის ახალ ხელმძღვანელს შეხვდნენ “სტრატეგია აღმაშენებლის” და “რესპუბლიკური პარტიის” ლიდერები. დახურულ კარს მიღმა მიმდინარე დისკუსია გაცნობითი ხასიათის იყო, “სტრატეგია აღმაშენებლის” წარმომადგენლებმა საქართველოში “NATO”-ს სამეკავშირეო ოფისის ახალ ხელმძღვანელს ამერიკაში ვიზიტის დეტალებიც გააცნეს.
“ “NATO” და “NATO”-ში გაწევრიანება საქართველოსთვის არის უმნიშვნელოვანესი პრიორიტეტი. ახლოვდება მადრიდის სამიტი და სამწუხაროდ, ვფიქრობ, “ქართული ოცნება” არ მუშაობს იმისთვის, რომ კიდევ უფრო გაღრმავდეს ჩვენი თანამშრომლობა “NATO”-თან.
ამერიკაში ჩვენმა ვიზიტმა დაგვანახა, რომ შეგვიძლია უფრო ღრმა თანამშრომლობის საკითხები დავაყენოთ, მათ შორის, საქართველომ კვლავ უნდა დააყენოს საკითხი “მაპ”-ის მოპოვებასთან დაკავშირებით. უკრაინასთან დაკავშირებით მსჯელობებია, რომ შეიძლება “NATO”-ს წევრობასთან დაკავშირებით იყოს მნიშვნელოვანი გარღვევა და ამ გარღვევაში აუცილებლად უნდა იყოს საქართველოც”, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
