“დღევანდელ პროცესზე მოსამართლის მიზანი იყო თავიდან აეცილებინა პასუხისმგელობა და გადაედო პროცესი” – დიმიტრი საძაგლიშვილი

საქალაქო სასამართლოში მორიგი პროცესი გაიმართა საქართველოს მე-3 პრეზიდენტის საქმეზე, რომელსაც ჯანმრთელობის გაუარების გამო მიხეილ სააკაშვილი არ ესწრებოდა. პროცესზე ადვოკატების მხრიდან კონკრეტული შუამდგომლობა იქნა დაყენებული, თუმცა სასამართლო სხდომა მალევე შეწყდა, მოსამართლემ პროცესის გადადების გადაწყვეტილება მიიღო. რასთან დაკავშირებითაც მწვავე შეფასებები გააკეთა ადვოკატმა დიმიტრი საძაგლიშვილმა:

,,აშკარად გამოჩნდა, რომ დღევანდელ პროცესზე მოსამართლის მიზანი იყო თავიდან აეცილებინა პასუხისმგელობა და გადაედო პროცესი. ისე გაიქცა ოთახიდან, რომ წესიერად არც უთქვამს პროცესის გადადების მიზეზი.

აშკარად გამოჩნდა, რომ, როგორც ჩანს, ბატონი ბადრი კოჭლამაზაშვილი ამისთვის მომზადებული იყო – სხდომათა დარბაზიდან გასაქცევად.

შესაბამისად, შუამდგომლობაზე მაშინ, როდესაც მას არ ჰქონდა უარის თქმის არანაირი საფუძველი, მათ შორის, ფორმალური თვალსაზრისითაც კი – ასეთი გამოსავალი მოძებნა. მან რეალურად თავი აარიდა შუამდგომლობის განხილვას.

ყველაფერს აკეთებენ მოსამართლეები იმისთვის, რომ არ განიხილონ შუამდგომლობა, რომელიც უკავშირდება მიხეილ სააკაშვილის ჯანმრთელობის მდგომარეობას და შესაბამისად, ცდილობენ, რომ პასუხისმგებლობა თავიდან აიცილონ“, – განაცხადა დიმიტრი საძაგლიშვილმა.

ავტორი
ნინი ხიჯაკაძე