საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე პოლიტიკურ შეფასებას აკეთებს ,,ევროპის სახალხო პარტიის’’ პრეზიდენტ დონალდ ტუსკის მიერ მიხეილ სააკაშვილის პარტიის ყრილობაზე მიწვევასთან დაკავშირებით:
,,ტუსკის განცხადება – ის, რომ ვთქვათ წერილი გამოაგზავნეს მიხეილ სააკაშვილთან დაკავშირებით.
ის, რომ წლების მანძილზე, გამამტყუნებელი განაჩენების არსებობის პირობებში, მიხეილ სააკაშვილი თავისუფლად გადაადგილდებოდა ევროპაში, აშშ-ში – მიუთითებს იმას, რომ ჩვენმა დასავლელმა პარტნიორებმა იციან, საქართველოში არ არის თავისუფალი სასამართლო.
დასავლელი პარტნიორები თვლიან, პირდაპირ და ირიბად მიანიშნებენ ხელისუფლებას, რომ პოლიტიკური მართლმსაჯულება დასრულდეს. მით უმეტეს იმ ფონზე, როცა მიხეილ სააკაშვილის ჯანმრთელობასთან, სიცოცხლესთან დაკავშირებით არის სერიოზული შეკითხვები“, – განაცხადა პაატა მანჯგალაძემ.
ავტორი
ნინი ხიჯაკაძე
