,,ქართული ოცნების“ გენერალური მდივანი, თბილისის მერი კახა კალაძე კონკრეტულ შეფასებებსა და განმარტებებს აკეთებს მიხეილ სააკაშვილთან მიმართებაში:
,,ეს არის თვითდაზიანების რეჟიმი. თუ ეს ასე, მე არ ვიცი. არ მაქვს ინფორმაცია ამასთან დაკავშირებით. შესაბამისი უწყება ყველაფერს გააკეთებს, რომ ყველა პატიმრის ჯანმრთელობის უსაფრთხოება იყოს დაცული.
ეს არის სახელმწიფოს ინტერესში და რა თქმა უნდა, ამ პატიმრებში შედის მიხეილ სააკაშვილი. მისი ჯანმრთელობის უსაფრთხოება მაქსიმალურად იქნება დაცული.
თუ ვინმეს ჰგონია, რომ რაღაც სიმულაციებით შეძლებს საპატიმროდან გასვლას, შეძლებს თავი აარიდოს მისჯილ სასჯელს – ეს არ გამოვა და ეს არის ტყუილი. ამიტომ პირველ რიგში პატიმარს ნუ შეუქმნით ამ ილუზიას და მეორე, რა თქმა უნდა, საზოგადოებას ნუ ეტყვით ცრუ ინფორმაციას.
ეს ასე არ იქნება. მას მოუწევს სასჯელის მოხდა. ის არის დამნაშავე კონკრეტულ საქმეებზე. სხვა საქმეებზეც მიმდინარეობს გამოძიება – დაველოდოთ. მე არაფრის თქმა არ შემიძლია ამასთან დაკავშირებით. დანარჩენს შესაბამისი უწყება ყველა დეტალზე მოგაწვდით კონკრეტულ ინფორმაციას“, – განაცხადა კახა კალაძემ.
ავტორი
ნინი ხიჯაკაძე
