პარლამენტის წევრი, პარტია “კანონი და სამართლის” თავმჯდომარე, თაკო ჩარკვიანი პარტია “გირჩს” (იაგო ხვიჩიას შეფასების გამო) და თამარ ჩერგოლეიშვილს უპირისპირდება მათი მხრიდან მიხეილ სააკაშვილთან მიმართებაში დაფიქსირებული პოზიციების გამო:
“ხელისუფლების ერთი “მესიჯი” შეიმუშავეს გირჩმა და ჩერგოლეიშვილმა. აბა, კიდევ ვინ მიუერთდებით ამ ბინძურ თამაშს?! მესიჯი ასეთია – “არ გვჯერა რომ კვდები პრეზიდენტიო“.
ხალხს კი სჯერა რომ უკიდურესად მძიმდება სააკაშვილის ჯანმრთელობის მდგომარეობა და კიდევ: ისიც სჯერა და ზუსტად იციან რომ კისრამდე პოლიტიკურ სიბინძურეში ხართ ჩაფლული თქვენ“, – წერს თაკო ჩარკვიანი ფეისბუქის პირად გვერდზე.
ინფორმაციისთვის: თამარ ჩერგოლეიშვილმა ვრცელი ღია წერილით მიმართა მიხეილ სააკაშვილს – “ერთადერთი, რაც შენ გიშველის, არის რეალობისთვის თვალის გასწორება”, ხოლო პარტია “გირჩის” ლიდერი იაგო ხვიჩია მიხეილ სააკაშვილთან მიმართებაში ამბობს, რომ “უკვე იმდენჯერ გავიგონეთ, რომ მიხეილ სააკაშვილი არის ავად, გული შეუწუხდა და იმდენჯერ დაიწერა დასკვნა, რომ ამის უკვე არავის აღარ სჯერა“.
