დღეს, ,,სტრატეგია აღმაშენებლის“ თავმჯდომარემ, გიორგი ვაშაძემ 9 აპრილს დაღუპულ გმირებს პატივი მიაგო. ოპოზიციონერმა ლიდერმა შეფასება გააკეთა 33 წლის წინ მომხდარ ტრაგედიასთან დაკავშირებით და განაცხადა, რომ დამოუკიდებლობის და თავისუფლების ფასზე უფრო დიდი ფასი არ არსებობს:
,,დიდება იმ გმირებს, რომლებმაც 1989 წლის 9 აპრილს თვალნათლივ დაგვანახეს, თუ რა დიდ საშინელებასთან გვქონდა საქმე. დღევანდელ დღეს მართლაც შემიძლია ვთქვა, რომ დამოუკიდებლობისთვის და თავისუფლებისთვის ბრძოლა გრძელდება.
ის, რაც დღეს ხდება უკრაინაში, ეს არის ბოლო ასე ვთქვათ, კუდის მოქნევა იმ საბჭოთა ტოტალიტარული სისტემის და მენტალობის, რომელსაც უნდა, რომ უკან დაგვაბრუნოს წარსულში. ჩვენ ამიტომ უნდა ვიყოთ ერთად, პატივი უნდა ვცეთ გმირებს.
ყოველთვის უნდა გვესმოდეს, რომ დამოუკიდებლობის და თავისუფლების ფასზე უფრო დიდი ფასი არ არსებობს, ამაზე უფრო მნიშვნელოვანი არაფერია!“, – განაცხადა გიორგი ვაშაძემ.
ავტორი
ნინი ხიჯაკაძე
