“ევროკავშირს შეუძლია საკუთარი ერთიანი უსაფრთხოების და თავდაცვის პოლიტიკის ფარგლებში ძალიან სწრაფად დააორგანიზოს შესაბამისი მისია საქართველოში” – სალომე სამადაშვილი

პარლამენტის წევრი სალომე სამადაშვილი კომენტარს აკეთებს უკრაინის დაზვერვის სამსახურის მიერ გავრცელებულ ინფორმაციაზე და აცხადებს, რომ საჭიროა საქართველოს ხელისუფლებამ დახმარებისთვის მიმართოს ევროკავშირს, რათა უკეთ შეძლოს გააკონტოროლოს აკრძალული ტვირთების მოძრაობა საკუთარ ტერიტორიაზე:

,,სწორი იქნება, რომ საქართველოს ხელისუფლებამ დახმარებისთის მიმართოს, მაგალითად, ევროკავშირს.

ევროკავშირს შეუძლია, საკუთარი ერთიანი უსაფრთხოების და თავდაცვის პოლიტიკის ფარგლებში, ძალიან სწრაფად დააორგანიზოს შესაბამისი მისია, რომელიც დაეხმარება საქართველოს ხელისუფლებას იმაში, რომ უკეთ გააკონტროლოს, კიდევ ერთხელ ვამბობ, მოძრაობა შესაძლო აკრძალული ტვირთების საკუთარ ტერიტორიაზე.

ამისთვის შესაბამისი პოლიტიკური ნება უნდა არსებობდეს ხელისუფლებაში. ჩვენ ამას დღეს ვერ ვხედავთ!“, – განაცხადა სალომე სამადაშვილმა.

ავტორი
ნინი ხიჯაკაძე