“რას ნიშნავს რუსი “დიპლომატების” გაძევება?” – ზურაბ ბატიაშვილი

აღმოსავლეთმცოდნე, ისტორიის მეცნიერებათა დოქტორი ზურაბ ბატიაშვილი სხვადასხვა ქვეყნებიდან დიპლომატების გაძევების თაობაზე წერს სოციალურ ქსელში და განმარტავს, თუ რას ნიშნავს ყოველივე ეს:

“რას ნიშნავს რუსი “დიპლომატების” გაძევება?

ქვევით არის სია იმის შესახებ, თუ რომელმა ქვეყანამ რამდენი რუსი “დიპლომატი” გააძევა რუსეთ-უკრაინის ომის დაწყების შემდეგ.

სიაში სულ 345 რუსი “დიპლომატია” (რომელიც კიდევ გაიზრდება) რომელთა აბსოლუტური უმრავლესობა, რა თქმა უნდა, რუსული სპეცსამსახურების თანამშრომლები არიან. და ეს დასავლეთში მშვენივრად იციან.

რეალურ ცხოვრებაში ეს ნიშნავს ასობით სადაზვერვო ქსელის ჩამოშლას და რუსეთის სასარგებლოდ მომუშავე ათასობით აგენტის კონტაქტის გარეშე დატოვებას.

შესაბამისად, რუსეთი ათასობით საკუთარ აგენტს ვეღარ მისცემს დავალებებს, გაუჭირდება მათთვის თანხების გადაცემა და ვეღარ ჩაატარებს უამრავ სპეცოპერაციას, რასაც ჩვენ მხოლოდ მივესალმებით“, – წერს ფეისბუქის პირად გვერდზე ზურაბ ბატიაშვილი.