“ღმერთმა ნუ ქნას რუსული აგრესიის პირისპირ საქართველო დარჩეს მარტო” – პაატა მანჯგალაძე

,,სტრატეგია აღმაშენებლის“ გენერალური მდივანი, საქართველოს პარლამენტის წევრი პაატა მანჯგალაძე კომენტარს აკეთებს, რუსული სანქციების თავის არიდების მიზნით საქართველოს ტერიტორიის გამოყენების შესახებ, უკრაინის სამხედრო დაზვერვის მიერ გავრცელებულ ინფორმაციასთან დაკავშირებით და აცხადებს, რომ თუ აღნიშნული დადასტურდება ეს საქართველოსთვის სერიოზულ პრობლემებს გამოიწვევს:

,,უკრაინული მხარე საუბრობს, რომ აქვს შესაბამისი მტკიცებულებები. თუ წარმოადგენენ ამ მტკიცებულებებს და დადასტურდება – ეს გამოიწვევს საქართველოსთვის სანქციების დაწესებას, იზოლაციას და ამის შემდეგ, ღმერთმა ნუ ქნას, მაგრამ რუსული აგრესიის პირისპირ საქართველო შეიძლება დარჩეს მარტო.

ეს არის ძალიან მძიმე განცხადება და კიდევ ერთხელ ვამბობ მე, როგორც ამ ქვეყნის პატრიოტს, ნამდვილად არ მინდა, რომ ეს განცხადებები დადასტურდეს“, – განაცხადა პაატა მანჯგალაძემ.

ავტორი
ნინი ხიჯაკაძე