დღეს, საქალაქო სასამართლოში ,,მთავარი არხის“, ,,ფორმულას“ და ლევან ხაბეიშვილის წინააღმდეგ სუს-ის ხელმძღვანელის გრიგოლ ლილუაშვილის სარჩელის განხილვა მიმდინარეობდა. პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ წევრი ლევან ხაბეიშვილი კომენტარს აკეთებს სასამართლო პროცესთან და მოსარჩელესთან მიმართებაში:
,,მას პრობლემა შეექმნა მხოლოდ მაშინ, როცა ვამხილეთ ტრანსნაციონალურ დანაშაულში და რატომ? – იმიტომ, რომ ეს ცდება საქართველოს საგამოძიებო უწყებებს და საუბარია საერთაშორისო გამოძიებაზე. იმიტომ, რომ შესაძლოა ის გახდეს საერთაშორისო გამოძიების საგანი, სწორედ ამიტომ შეექმნა ლილუაშვილს პრობლემა და ჩივის ახლა როგორც ჩემს წინააღმდეგ ასევე – ოპოზიციური არხების წინააღმდეგ.
ცხადია, მე ყველაფერს გავაკეთებ იმისთვის, რომ გრიგოლ ლილუაშვილი წარსდგეს საერთაშორისო მართლმსაჯულების წინაშე. იმიტომ, რომ ის არის ოფიციალური თაღლითი, რომელიც მფარველობს საქართველოში ქოლ-ცენტრების ტრანსნაციონალურ დანაშაულს“,- განაცხადა ლევან ხაბეიშვილმა.
ავტორი
ნინი ხიჯაკაძე
