მიხეილ სააკაშვილის მდგომარეობასთან დაკავშირებით საქართველოს ხელისუფლების მიმართ ევროპარლამენტარ ანა ფოტიგას კრიტიკული შეფასებისა და ბიძინა ივანიშვილის ოლიგარქად მოხსენიების გამო მწვავე კომენტარს აკეთებს პარლამენტის თავმჯდომარის პირველი მოადგილე, გიორგი ვოლსკი:
,,ბიძინა ივანიშვილი არ არის ოლიგარქი. ოლიგარქები არიან ადამიანები, რომლებიც ბოროტად სარგებლობენ ქვეყანაში შექმნილი ვითარებით!
ეს არის განსხვავება ის, რაც არ იცის ფოტიგამ და ალბათ ვერც გაიგებს რა განსხვავებაა!
დანაშაულებები არის უმძიმესი, რომელიც ჩაიდინა არა მარტო პირადად სააკაშვილმა, არამედ იმ სადისტურმა სისტემამ, რომელიც მან შექმნა.
ამის შესახებ ფოტიგას ან წარმოდგენა არ აქვს, ან იმ პოლიტიკურ თამაშს თამაშობს, რომელიც დღეს გლდანის ციხიდან უკარნახეს“, – განაცხადა გიორგი ვოლსკიმ.
ინფორმაციისთვის. ევროპარლამენტარმა ანა ფოტიგამ სოციალურ ქსელ Twitter-ზე გამოქვეყნებული წერილით ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში ჟოზეფ ბორელს მიმართა და ერთის მხრივ აღნიშნა, რომ მიხეილ სააკაშვილისადმი მოპყრობა ღრმად ეწინააღმდეგება ევროპულ სტანდარტებს და ღირებულებებს, ხოლო მეორეს მხრივ აცხადებს, რომ მე-3 პრეზიდენტის მიმართ ხელისუფლების ასეთი დამოკიდებულება წაქეზებულია საქართველოს მთავრობაზე არაფორმალური კონტროლის მქონე ოლიგარქ ბიძინა ივანიშვილის მიერ, რომელიც, მისი თქმით, ამავდროულად რუსეთთანაა დაკავშირებული.
ევროპარლამენტარ ანა ფოტიგას წერილი ტვიტერზე
I ask @JosepBorrellF about #Georgia’s application to the #EU, European values, mistreatment of the 3rd President of Georgia @SaakashviliM and personal #sanctions on the oligarch with links to #Russia: pic.twitter.com/kuQXYOWXl0
— Anna Fotyga Biuro Poselskie (@AnnaFotyga_PE) March 30, 2022
ავტორი
ნინი ხიჯაკაძე
