მმართველი პარტიის ერთ-ერთი ლიდერი, პარლამენტის ფრაქცია “ქართული ოცნების” თავმჯდომარე მამუკა მდინარაძე კომენტარს აკეთებს მიხეილ სააკაშვილის მიმართვაზე პარლამენტარებისადმი და აცხადებს, რომ ,,მის სულელურ გამონათქვამებზე საუბარი არ შეიძლება”:
,,მიხეილ სააკაშვილი არის არაადეკვატური, ვისაც გაინტერესებდათ ამაზე პასუხი. არ შეიძლება მასთან რაიმე თანხმობაზე საუბარი.
მის სულელურ გამონათქვამებზე სერიოზულად საუბარი არ შეიძლება, წარმოუდგენელია და სასოწარკვეთილებაში მყოფი ,,ნაც მოძრაობა”, ,,ომის პარტია”, ,,მე-5 კოლონა”, თუ მისი ლიდერი რას ილაპარაკებს ამაზე სერიოზული მსჯელობაც კი ცოტა უხერხულია, როგორც ჩვენი, ასევე თქვენი მხრიდან.
შეუძლებელია ამაზე ილაპარაკო, ერთადერთი რაც შეიძლება მხედველობაში მიიღო – მისი აღიარება, წამოცდენა, ქვეცნობიერიდან წამოსული მისივე სიტყვები, რომ ის გრძნობდა თუ იცოდა, რომ ეს მომენტი თუ დრო დგებოდა და ეს დროც დადგა.
ანუ რა იცოდა – ეს კითხვა დაგისვიათ და მოგიფიქრებიათ ვინმეს? რა იცოდა სააკაშვილმა, რას ,,გრძნობდა” – რომ ომს იწყებდა რუსეთი უკრაინაში და ღია აგრესიას?! ამას გრძნობდა და ეს იცოდა და ამიტომ ჩამოვიდა? ფაქტია, რაღაცას გამოასწრო”, – განაცხადა მამუკა მდინარაძემ.
ავტორი
ნინი ხიჯაკაძე
