დედაქალაქის მერმა, მმართველი პარტიის გენერალურმა მდივანმა კახა კალაძემ, მედიასთან კომენტარში, რეგიონში შექმნილ მძიმე მდგომარეობაზე ისაუბრა და უკრაინის მხარის მიერ მიხეილ სააკაშვილის გადაცემის მოთხოვნაზე, ასევე სააკაშვილისა და მისი თანაგუნდელების მხრიდან გამოთქმულ მოსაზრებაზე, რომ ქვეყნის მე-3 პრეზიდენტს აქვს საერთაშორისო კავშირები და შეუძლია უკრაინისთვის მნიშვნელოვანი საქმეების გაკეთება, ირონიული შეფასება გააკეთა 2008 წელს გორში მომხდარი ინციდენტთან დაკავშირებით:
„მიხეილ სააკაშვილს ძალიან დიდი გამოცდილება აქვს. მას აქვს გავლილი სამხედრო წვრთნები, თუმცა არ ვიცი ზუსტად 2008 წლის ომამდე გაიარა თუ ომის შემდეგ. ალბათ, კარგი იქნება, რომ მას დაუსვათ შეკითხვა, სასამართლო პროცესზე როცა იქნება წარდგენილი, თუ როდის გაიარა ეს საბრძოლო წვრთნები მან – ომამდე თუ ომის შემდეგ.
გვახსოვს მისი სამარცხვინო ქმედებები, 2008 წლის ომის დროს, როდესაც მართლაც შეარცხვინა ქართველი ერთი და ჩვენი ქვეყანა, მიწაზე ფორთხვით როცა წარუდგა საზოგადოებას. მიატოვა საფრანგეთის პრემიერ-მინისტრი და გარბოდა. სად გარბოდა მგონი არავინ იცის“, – განაცხადა კახა კალაძემ.