,,ერთიანი ნაციონალური მოძრაობის“ პოლიტიკური საბჭოს წევრი, პარლამენტის დეპუტატი ლევან ხაბეიშვილი კომენატრს აკეთებს მის წინააღმდეგ წარმოებულ საქმეზე სასამართლო პროცესის განახლების შესახებ და აცხადებს, რომ ეს არის წმინდა წყლის პოლიტიკური დევნა და არანაირი კავშირი სამართალთან არ აქვს. ოპოზიციონერი ლიდერი პარლამენტის უმრავლესობის წევრ ირაკლი ზარქუასაც მიმართავს და სთავაზობს სიმართლის თქმას:
,,მე მინდა ვუთხრა ირაკლი ზარქუას: ირაკლი, ჯიგარო, ამ ენით გიყვარს ხოლმე შენ ლაპარაკი, – არც მიცემიხარ, არც ნეკნები ჩამიმტვრევია შენთვის და არც არანაირი დაზიანება მომიყენებია.
ამიტომ ნება იბოძე, მობრძანდი ამ რუსულ სასამართლოში და მიეცი ჩვენება, რომ მსგავსი არაფერი მომხდარა.
ეს, რა თქმა უნდა, არის წმინდა წყლის პოლიტიკური დევნა და არანაირი კავშირი სამართალთან არ აქვს.
ანტიკორუფციული მოძრაობა დავაფუძნეთ იცით და ამაზე მთავრობის სხდომაზე უამრავჯერ ისაუბრა პრემიერმა ღარიბაშვილმა – ძალიან სტკივა ეს მიმართულება.
ვფიქრობ, რომ სწორედ ამას ემსახურება ამ საქმის განახლებაც“, – განაცხადა ლევან ხაბეიშვილმა.
შეგახსენებთ, რომ 2 წლის წინ, 2020 წლის 24 იანვარს თბილისის საკრებულოში ლევან ხაბეიშვილსა და ,,ქართული ოცნების“ დეპუტატ ირაკლი ზარქუას შორის კონფლიქტი მოხდა.
ავტორი
ნინი ხიჯაკაძემ
