უკრაინიდან საქართველოს მოსახლეობის ევაკუაცია მიმდინარეობს. როგორც საგარეო საქმეთა სამინისტროს პრესსპიკერი მარიამ ნარჩემაშვილი აღნიშნავს, სამშობლოში ევაკუირებულია 24 საათის განმავლობაში 80-მდე მოქალაქე:
,,ბოლო 24 საათის განმავლობაში სამშობლოში, სახელმწიფოს ხელშეწყობით, უკრაინიდან ევაკუირებული საქართველოს 80-მდე მოქალაქე დაბრუნდა. ძირითადად ეს გახლავთ პოლონეთის მიმართულება. სწორედ პოლონეთში ხდება უკრაინად ევაკუირებული საქართველოს მოქალაქეების კონცენტრაცია.
ქალაქ ლვოვში საქართველოს საკონსულო დაწესებულებაა და ასევე, პოლონეთში საქართველოს საელჩო მუშაობენ იმაზე, რომ ორგანიზებულად მოხდეს ლვოვიდან პოლონეთის მიმართულებით საქართველოს მოქალაქეების გამოყვანა და ამისთვის ამოქმედებულია სპეციალური რეისი ვარშავა-ლვოვის მიმართულებით.
ასევე, მიმდინარე კვირაში სამშობლოში ორგანიზებულად დაბრუნდნენ რუმინეთიდან საქართველოს მოქალაქეები – საერთო ჯამში 75, ასევე ორგანიზებულად მიმდინარეობს მოქალაქეთა გადმოყვანა ოდესიდან, მოსაზღვრე სახელმწიფოებში“, – განაცხადა მარიამ ნარჩემაშვილმა.
ავტორი
ნინი ხიჯაკაძე
