რესპუბლიკური პარტიის წევრი, დავით ბერძენიშვილი რუსეთ-უკრაინის ომის კონტექსტში კონკრეტულ პროგნოზებს აკეთებს და ბიძინა ივანიშვილის მხრიდან მოსალოდნელ ნაბიჯებზე საუბრობს:
“დამპყრობელ, პროცენტნახევრიან მაჯლაჯუნა რუსეთს ახლა მთელი დასავლეთი ღიად უპირისპირდება. იგი უკრაინაში გაჩხერილია და მაღალი ალბათობით, წააგებს.
პუტინის მოსალოდნელი მარცხის შემდეგ საქართველოს ამ ხელისუფლებაზე, რომელიც პუტინთან სრული კოლაბორაციონიზმისთვის ემზადებოდა, უზარმაზარი ზეწოლა იქნება ქვეყნის გარედან და შიგნიდან.
ასეთ წნეხს ის ვერ გაუძლებს.
ღარიბაშვილს კვლავ წკიპურტით გააგდებს ბიძინა, თავი რომ გადაირჩინოს.
მომავალ არჩევნებს (არა აუცილებლად 2024-ში) ბიძინა უფრო წააგებს. მანამდეც, დასავლეთთან და უკრაინასთან საურთიერთოდ მყარი პროდასავლური რეპუტაციის პრემიერი და რამდენიმე წამყვანი მინისტრი დასჭირდება საქართველოს… ბიძინასაც.
მოთხოვენ და წინააღმდეგობის და ლავირების უნარი აღარ ექნება. პარლამენტშიც მორიგი ფრაგმენტი მოტყდება ბიძინას ხელისუფლებას.
ასე ვვარაუდობ. მთავარია, უკრაინას იმაზე მეტი სისხლი არ დაუჯდეს მისი და დასავლეთის გამარჯვება, ვიდრე დასავლეთის სრული ადეკვატურობის პირობებში იქნება. უკრაინის ცა დასაკეტია!
სლავა უკრაინი!” – წერს ფეისბუქის პირად გვერდზე დავით ბერძენიშვილი.
