ოპოზიციასთან მიმართებაში სოზარ სუბარის მიერ გამოთქმულ მოსაზრებას, რომ “ომში ისევ ის ადამიანები წავალთ, ვინც თავის დროზე ვიყავით, ხოლო ბუჩქებში ისევ ისინი დაიმალებიან და გაიქცევიან, ვინც თავის დროზე გაიქცა”, ეხმაურება ტელეკომპანია “ფორმულას” ჟურნალისტი ვახო სანაია და კონკრეტულ ფაქტს იხსენებს 2008 წლის ომთან დაკავშირებით:
“აი, არ მინდა, ვთქვა, რა ომშიც იყო ეს 2008 წელს და რასაც იბრძოდა, მაგრამ როგორ უნდა გაჩუმდე ამ ნაძირლობის წაკითხის მერე. ეს ნაგლი.
გორის შესასვლელთან რუსი გენერალი ბორისოვი მივიდა თავის ჯარისკაცებთან ერთად. ქალაქს უკვე რუსები აკონტროლებდნენ. ეს იყო ალბათ 14 აგვისტო, ცეცხლის შეწყვეტის ხელშეკრულებიდან მალევე. იქ იმყოფებოდა ხელისუფლების ერთ-ერთი წარმომადგენელი ბორისოვთან გარკვეულ საკითხებზე სასაუბროდ.
ჟურნალისტები გადაღებაზე მივედით. გზის პირას ვიდექით ყველანი. ბორისოვიც. იქ ვნახე სუბარიც ერთ თავის თანამოაზრესთან ერთად. იმ მეორეს არ დავასახელებ ჯერ.
მახსოვს, როგორ ამბობდა იმ მეორესთან საუბარში, ახლა საქართველოს ხელისუფლებას უნდა დაერხესო.
ეს იყო სუბარის ნაომარი. ეტყობა, კიდევ დალია და მოეჩვენა, რომ იბრძოდა“, – წერს ფეისბუქის პირად გვერდზე ვახო სანაია.
