პარტია ,,საქართველოსთვის“ თავმჯდომარე გიორგი გახარია მწვავე შეფასებას აკეთებს საქართველოს ხელისუფლების მიმართ და აცხადებს, რომ დღეს ჩვენს თვალწინ მსოფლიოს ახალი წესრიგი დგება:
,,ყველას კარგად უნდა გვესმოდეს, რომ დღეს ჩვენს თვალწინ მსოფლიოს ახალი წესრიგი დგება. ჩვენს მთავრობას რატომღაც ჰგონია, რომ თუ არ შეიმჩნევს ამას, ამით ისინი რაღაც რისკებისგან თავს დააღწევენ და ჰგონიათ, რომ ჩვენ არ შეგვეხება?! – ეს არ არის სწორი!
საქართველოს მთავრობამ უნდა გაითვალისწინოს, რომ ჩვენ პირველ რიგში მჭიდროდ უნდა ვითანამშრომლოთ საერთაშორისო საზოგაოდებასთან. ყველას კარგად უნდა გვესმოდეს, რომ ჩვენ დღეს გვაქვს 2 კრიტიკული ამოცანა:
1. არავის არ მივცეთ იმის შესაძლებლობა, რომ საქართველო ჩაითრიოს ომში;
2. არავის არ მივცეთ იმის შესაძლებლობა, რომ მოხდეს საქართველოს საერთაშორისო იზოლაცია. რისი ნიშნებიც ნელ-ნელა უკვე არსებობს. იმიტომ, რომ ჩვენი პარტნიორების ნდობა ჩვენდამი სულ უფრო და უფრო ქვეითდება.
უპრეცედენტოა უკრაინის გლობალური მხარდაჭერა განვითარებული, თანამედროვე, დემოკრატიული სამყაროს მხრიდან.
ჩვენ ყველაფერი უნდა გავაკეთოთ იმისთვის, რომ ეს მხარდაჭერა საქართველოზეც გავრცელდეს“, – განაცხადა გიორგი გახარიამ.
ავტორი
ნინი ხიჯაკაძე
