საქართველოს თავდაცვის მინისტრს ჯუანშერ ბურჭულაძეს პარლამენტში ნდობის ჯგუფის დახურულ ფორმატში უსმენენ. მისი განცხადებით, გამოსცეს თავდაცვის ძალების განვითარების გეგმა, რომელიც საჯარო დოკუმენტია და განსაზღვრულია საქართველოს საბრძოლო შესაძლებლობების პრიორიტეტები:
,,ყოველდღიურ რეჟიმში, ძალოვანი უწყებების ხელმძღვანელები, ვიკრიბებით პრემიერთან. გავდივართ იმ მოვლენებს, შესაძლო შედეგებს, რისკებს, რაც შეიძლება მოყვეს უკრაინაში განვითარებულ ომს.
ჩვენი უწყების მასშტაბით ვიმუშავეთ ჩვენ ნაწილზე ჩვენ პარტნიორებთან ერთად. ჩვენი ნაწილი არის სრულად ჩამოყალიბებული და უახლოეს მომავალში უსაფრთხოების საბჭოზე დავასრულებთ ამ პროცესს.
ჩვენ გამოვეცით თავდაცვის ძალების განვითარების 10 წლიანი და 2021-25 – 4 წლიანი გეგმა. ეს არის საჯარო დოკუმენტები და შეგიძლიათ ნახოთ, სადაც განსაზღვრულია ჩვენი საბრძოლო შესაძლებლობების პრიორიტეტები.
ასევე, პრემიერ-მინისტრის პრიორიტეტად 2019 წლიდან იქცა ჯარისკაცზე ზრუნვა და ესეც არის ჩვენი პრიორიტეტი, რა თქმა უნდა, რჩება და დარჩება“, – განაცხადა ჯუანშერ ბურჭულაძემ.
ავტორი
ნინი ხიჯაკაძე
