“ოპოზიციის გარკვეული ლიდერები ამ საომარ მდგომარეობას იყენებენ იმისთვის, რომ აქ იყოს ერთგვარი პროვოკაციები“ – გურამ მაჭარაშვილი

პარლამენტის საპროცედურო საკითხთა და წესების კომიტეტის თავმჯდომარის პირველი მოადგილე გურამ მაჭარაშვილი აცხადებს, რომ მმართველი ხელისუფლება გადაწყვეტილებებს იღებს სახელმწიფო ინტერესებიდან გამომდინარე და ამ საკითხზე კითხვის ნიშნები არ უნდა არსებობდეს:

,,საქართველო და მისი ხელისუფლება ნებისმიერ შემთხვევაში გადაწყვეტილებებს იღებს თავისი სახელმწიფო ინტერესებიდან გამომდინარე. მე მგონი, ამაში ეჭვი არავის არ ეპარება და კითხვის ნიშნები არ უნდა არსებობდეს. იმიტომ, რომ ყველა ქვეყანა იღებს გადაწყვეტილებებს N1 თავისი ქვეყნის ინტერესებიდან გამომდინარე.

ჩვენი ინტერესები, ბუნებრივია, არის ის, რომ მაქსიმალურად შევძლოთ არ ავყვეთ პროვოკაციებს და საქართველოში იყოს უსაფრთხო გარემო.

სამწუხაროდ, ოპოზიციის გარკვეული ლიდერები პირიქით – ამ საომარ მდგომარეობას იყენებენ იმისთვის, რომ აქ იყოს ერთგვარი პროვოკაციები“, – განაცხადა გურამ მაჭარაშვილმა.

ავტორი
ნინი ხიჯაკაძე