პარტია ,,დროას“ თავმჯდომარემ ელენე ხოშტარიამ პროტესტი გამოხატა რუსული წარმოების პროდუქტების მიმართ და კანცელარიის წინ პერფორმანსით გამოეხმაურა. ოპოზიციონერი ლიდერი, არსებული რეალობის გათვალისწინებით, რუსულ ბაზარზე ქართული პროდუქციის გატანას აპროტესტებს:
,,ნაცვლად იმისა, რომ ჩვენ ყველა, მთელ ცივილიზებულ სამყაროსთან ერთად, ახლა ვზრუნავდეთ, რომ მოეხრჩოს რუსული ეკონომიკა იმიტომ, რომ ეს არის ბოროტების საყრდენი, აქ აწარმოებენ მოლაპარაკებებს იმაზე, რომ კომფორტი შეუქმნან რუსულ ეკონომიკას. თურმე საქართველოს პროდუქცია უნდა გავიდეს რუსულ ბაზარზე.
აი ესეთ შეურაცხყოფას აყენებენ ჩვენ სახელმწიფოს ამ ,,ქართული ოცნების” მთავრობის წევრები, რაც არის პირდაპირ ღიად რუსულ სამყაროში ყოფნა.
ჩვენ უნდა გვესმოდეს, რომ დღეს უკრაინელები ომობენ და იბრძვიან, ხვალ კი უკრაინა იქნება ყველაზე აყვავებული, მათ შორის ეკონომიკურად, ადგილი, სადაც მთელი მსოფლიოს რესურსები იქნება მობილიზებული, სადაც არის, ასევე, ჩვენი პერსპექტივა.
ამიტომ ჩვენ ყველამ უნდა გავაპროტესტოთ. ჩვენ გვყავს ესეთი მთავრობა, მაგრამ ჩვენ არავინ არ გვაიძულა, რომ ვიყოთ უღირსები. მთავრობა არის უღირსი, ჩვენ არ ვართ უღირსები!”, – განაცხადა ელენე ხოშტარიამ.
ავტორი
ნინი ხიჯაკაძე
